دەستپێکردنی پڕۆژەی ئۆتۆماتیکیکردنی مامەڵەی فرۆشتن و گواستنەوەی موڵک لە وەزارەتی داد
محەمەد شیاع سودانی، سەرۆکوەزیرانی عێراق، ئەمڕۆ پێنجشەممە، پڕۆژەی بەدیجیتاڵکردنی مامەڵەکانی کڕین و فرۆشتن و گواستنەوەی خاوەندارێتی لە فەرمانگەی گشتیی تۆماری خانوبەرەی سەر بە وەزارەتی داد ڕاگەیاند؛ هاوکات ڕێنمایی دا بە کارکردن بۆ پێشکەشکردنی باشترین خزمەتگوزاری بە هاووڵاتییان لەگەڵ مسۆگەرکردنی تەواوکردنی مامەڵەکان و پاراستن و دابینکردنی ئاسایشی زانیارییەکان.
نووسینگەی ڕاگەیاندنی سەرۆکوەزیران لە ڕاگەیەندراوێکدا کە دەستی ئاژانسی موتەڵع کەوتووە، ڕایگەیاند: محەمەد شیاع سودانی، سەرۆکوەزیران، لە ڕێگەی بازنەیەکی تەلەفزیۆنییەوە، پڕۆژەی بەدیجیتاڵکردنی مامەڵەکانی کڕین و فرۆشتن و گواستنەوەی خاوەندارێتی لە فەرمانگەی گشتیی تۆماری خانوبەرە و لقەکانی سەر بە وەزارەتی داد ڕاگەیاند.
بەپێی ڕاگەیەندراوەکە، سەرۆکوەزیران پیرۆزبایی لە هەموو کارمەندانی ئەم پڕۆژە گرنگە کرد کە لەگەڵ ئاراستەی حکومەت بۆ چاکسازیی کارگێڕی و دارایی و شەفافیەت لە مامەڵەکاندا دەگونجێت، بەتایبەت ئەوانەی پەیوەندییان بە مافی هاووڵاتییانەوە هەیە، جەختیشی کردەوە کە فەرمانگەی تۆماری خانوبەرە یەکێکە لەو فەرمانگانەی دەوڵەت کە زۆرترین سەردانیکردنی هاووڵاتییانی هەیە بەهۆی پەیوەندی کارەکانی بە مافی خاوەندارێتی و گواستنەوەی.
ئاماژەی بەوەش کرد کە ئەم پڕۆژەیە هەنگاوێکی گرنگە بۆ کەمکردنەوەی ڕۆتین و سنووردانان بۆ دواکەوتنی تەواوکردنی مامەڵەکان ، ئەمە هەنگاوێکی ڕاستە لە ئاراستەی چاکسازیی کارگێڕی و گۆڕانکاری لە سیستمی کاغەزییەوە بۆ سیستمی ئەلیکترۆنی کە حکومەت لە چەندین جومگەدا کاری لەسەر کردووە بۆ بەدیهێنانی گۆڕانکاریی دیجیتاڵی و هاوتەریببوون لەگەڵ پێشکەوتنی خێرای جیهان.
سەرۆکوەزیران جەختی کردەوە کە سیستمی ناو ئەم پڕۆژەیە پێویستی بە وردبینی زیاتر و نوێکردنەوەی بەردەوام هەیە تاوەکو دڵنیابین لەوەی جێبەجێکردنەکەی بە شێوەیەکی دروست دەبێت، و پێویستە کارمەندانی ئەم سیستمە خاوەن شارەزایی و لێهاتوویی پێویست بن.
سودانی ڕێنمایی دا بە کارکردن بۆ پێشکەشکردنی باشترین خزمەتگوزاری بە هاووڵاتییان لەگەڵ مسۆگەرکردنی تەواوکردنی مامەڵەکان و پاراستن و دابینکردنی ئاسایشی زانیارییەکان بە باشترین شێوە بۆ پاراستنی موڵک و ماڵی هاووڵاتییان،جەختیشی لەسەر گرنگیی پڕۆسەی بەستنەوە بە فەرمانگە پەیوەندیدارەکانی ترەوە کردەوە، کە تێیدا ڕێنمایی دەدرێتە وەزارەتەکانی ناوخۆ و دارایی بۆ خێراکردنی تەواوکردنی ڕێکارەکانی بەستنەوەی ئەلیکترۆنی بە مەبەستی تەواوکردنی پڕۆسەکانی وردبینی و جێبەجێکردنی مامەڵەکان.
كلمات مفتاحية
اخبار ذات صلة
تعليقات
دوایین هەواڵەکان
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
پەروەردە و خوێندنی باڵای هەرێم کاتی دەستپێکردنەوەی دەوامیان ڕاگەیاند
ئەڵمانیا: بەمزوانە ئەمریكاو ئێران لە پاكستان دانوستانی راستەوخۆ دەكەن
سوپای پاسداران: رێگریمان له سێ كهشتی كرد بۆ تێپهڕبون به گهروی هورمزدا
وهزارهتی خوێندنی باڵا ماوهی مانهوهی ئهو خوێندكارانهی له ههرێم درێژكردهوه كه له ئێران دهخوێنن
واڵ ستریت جۆرناڵ: ئێران داوای درێژكردنهوهی مۆڵهتی له ترهمپ نهكردوه
كەشناسی هەرێم: ئهمڕۆ و سبهی باران بارین له ناوچه جیاجیاكان بهردهوام دەبێت
فایەق زێدان: بڕیاری راگهیاندنی جهنگ بهگوێرهی دهستور تهنیا له دهسهڵاتی دهوڵهتدایه
هەیبەت حەلبوسی: دواکەوتنی هەڵبژاردنی سەرۆک کۆمار چیتر قبوڵکراو نییە
هاتوچۆی ههولێر: بهرزبونهوهی ئاستی باراناو بۆته هۆی وهستانی هاتوچۆ له چهند شهقامێك
سەرۆک وەزیران وپادشای ئوردن جەخت لە گرنگی هەوڵی بێوچان بۆ ڕاگرتنی جەنگ دەکەنەوە
هرارگای خاتهمولئهنبیا: هێرش بكرێته سهر وێستگهكانی ئێران، ژێرخانی وزه لهناوچهكه وێران دهكهین
پزیشكیان: وهڵامی ههڕهشه بێسهروبهرهكان له مهیدانی جهنگدا دهدهینهوه
سكرتێری ناتۆ: هاوکاری ئەمریکا دەکەین بۆ کردنەوەی گەروی هورمز
ژێردهریایی ئهتۆمی بهریتانیا گهیشتۆته دهریای عهرهب
ئهمریكا رهتیدهكاتهوه ئێران فڕۆكهیهكی ئێف15ی خستبێته خوارهوه
وەزارەتی پێشمەرگە: بە فڕۆکەیەکی بێفڕۆکەوان هێرشکرایە سەر یەکێک لە بارەگاکانمان لە چەمچەماڵ
