کەشناسی هەرێم: سبەی نمه باران دەبارێت
کەشناسی هەرێمی کوردستان دەڵێت، پێشبینی دەکرێت سبەی نمه باران ببارێت و زیاتر لە ناوچە شاخاوییەکان دەبێت.
کەشناسیی هەرێمی کوردستان بڵاویکردەوە سبەی یەکشەممە "ئاسمان نیمچە هەور دەبێت و هەندێکجار دەگۆڕێت بۆ هەوری تەواو. ئەگەری بارینی پرووشەباران هەیە، بەتایبەتی لە ناوچە شاخاوییە سنوورییەکان."
دەستەی کەشناسی عێراقیش دەڵێت سبەی یەكشەممە كەشوهەوا ساماڵ دەبێت لەگەڵ هەندێك هەور لە ناوچەكانی ناوەڕاست و باشوور لەگەڵ زیادبوونی خۆڵبارین، هەروەها نیمچە هەور بۆ هەوری تەواو لەگەڵ ئەگەری بارانبارین لە بەشەكانی باكووری ناوچەی باكوور و پلەكانی گەرما بەرز دەبنەو و كەمێك كەمترە لە ڕۆژی پێشوو لە هەموو ناوچەكانی وڵاتدا.
ههروهها وتی: كەش و هەوای ڕۆژی دووشەممە ساماڵ دەبێت لەگەڵ هەندێك هەور لە ناوچەی ناوەڕاست، نیمچە هەور بۆ هەوری تەواو لەگەڵ هەورەبروسكە لە شوێنە جیاوازەكان لە ناوچەی باكور، هەروەها لە ناوچەی باشووریش ساماڵ دەبێت، بهڵام پلەكانی گەرما بە بەراورد بە ڕۆژی پێشوو چەند پلەیەك دادەبەزن.
ئاماژەی بەوەشكرد: رۆژی سێشەممەی داهاتوو كەشوهەوا ساماڵ دەبێت لەگەڵ هەندێك هەور لە ناوچەكانی ناوەڕاست و باشوور، هەروەها نیمچە هەور دەبێت لەگەڵ ئەگەری بارانبارینی پەرشوبڵاو لە ناوچەی باكور، و پلەكانی گەرما هاوشێوەی ڕۆژی پێشوو دەبێت لە ناوەڕاست و ناوچەكانی باكوور و پلەكانی گەرما كەمێك لە ڕۆژی پێشوو لە ناوچەی باشوور دادەبەزن.
