نێچيرڤان بارزانى بهشدارى له پرسهيهكى كونسولخانهى ئێراندا كرد
ئهمڕۆ دووشهممه، نێچيرڤان بارزانى، سهرۆكى ههرێمى كوردستان، له كونسولخانهى گشتيى كۆمارى ئيسلاميى ئێران له ههولێر، بهشدارى له پرسهى ئهو قوربانييانهدا كرد كه ڕۆژى سێى ئهم مانگه له شارى كرمان له ئێران له ئهنجامى هێرشێكى تيرۆرستيى داعشدا، شههيد بوون.
نووسینگهی راگهیاندنی سهرۆكی ههرێمی كوردستان لهراگهیهندراوێكدا داگهیاند: نێچيرڤان بارزانى سهرۆكى ههرێمى كوردستان، له ديدارێكدا لهگهڵ كونسولى گشتيى ئێران، وێڕاى گهياندنى پرسه و سهرهخۆشى و هاوخهميى ههرێمى كوردستان به سهركردايهتى و حكوومهت و گهلى ئێرانى دۆست، پرسهنامهيهكى له تۆمارى پرسهدا نووسى.
تيايدا ئاماژهى بهوه كرد كه له عێراق و ههرێمى كوردستان وهك قوربانيى دهستى تیرۆر، باشتر له خهم و پهژارهى خانهواده و كهسوكارى قوربانييان تێدهگهن و وێڕاى هاوسۆزى و هاوخهمى، هيواى زووچاكبوونهوهى بۆ برينداران خواست.
نێچیرڤان بارزانی هێرشهكهى به سهلمێنهرى مهترسيى ڕاستهقينهى تيرۆر زانى و نووسيويهتى: “بۆيه پێويستيمان به بهردهواميى هاريكاريى هاوبهش له ناوچهكه و جيهان ههيه بۆ لهناوبردنى يهكجارهكيى داعش كه دوژمنى هاوبهشى ئێمه و كۆمارى ئيسلاميى ئێران و جيهانه.”
ههروهها سوپاس و پێزانينى بۆ ئێران دهربڕيوه كه له بهرهنگاربوونهوهى داعشدا هاوكاريى عێراق و ههرێمى كوردستانى كرد. لاى خۆيهوه بهڕێز كونسولى گشتيى كۆمارى ئيسلاميى ئێران، سوپاس و پێزانينى بۆ سهردان و هاوبهشى سهرۆك نێچيرڤان بارزانى له خهم و پرسهكهياندا دهربڕى.
دواى سهردانهكهش لە لێدوانێكی ڕۆژنامەوانیدا بۆ كەناڵەكانی ڕاگەیاندن، سهرۆكی ههرێمی كوردستان باسی مەبەستی سەردانەكەی و دۆخی ئەمنیی ناوچەكەى كرد.
سەرەتا گوتی “ ئەمڕۆ ئێمە هاتبووین بۆ كونسولخانەی گشتيى كۆماری ئیسلامیی ئێران بۆ دەربڕینی هاوسۆزیی هەرێمی كوردستان و سەركردایەتیی هەرێمی كوردستان بۆ قوربانييانى ئەو كارە تیرۆرستیەی كە لە كرمان ئەنجامدرا و بووە هۆی شەهیدبوونی دەیان خەڵكی بێگوناهی ئەو شارە. هاتبووین سەرەخۆشیی خۆمان بگەیەنینە كۆماری ئیسلامیی ئێران و خەڵكی ئێران بە شێوەیەكی گشتی و خۆشەویستانی كرمانیش بە شێوەیەكی تایبەتی، هاوخەمی و هاوسۆزیی خۆمان لە هەرێمی كوردستان پێیان بگەیەنین. داعشی تیرۆرست دیاردەیەكی ناوچەییە و لە ناوچەی ئێمە هەیه. جهختمان لەوە كردۆتەوە كە دەبێت بەردەوام بین لە هاوكاریكردن و كاركردن لەگەڵ یەكتر بۆ بنبڕكردنی ئەم تیرۆرستانە. لە هەمان كاتیشدا بە بیری خۆمان دەهێنینەوە لەم چەند ساڵەی ڕابردوودا كە داعش هات، كۆماری ئیسلامیی ئێران یارمەتیی عێراق و یارمەتیی هەرێمی كوردستانی دا و دووپاتمان لەوە كردەوە و سوپاسمان كردن بۆ هەموو ئەو یارمەتیانەی پێشكهش به عێراق و هەرێمی كوردستانیان كردووە”.
لە وەڵامی پرسیارێكدا سەبارەت بە پەیوەندییەكانی هەرێمی كوردستان و كۆماری ئیسلامیی ئێران، نێچیرڤان بارزانی ڕایگەیاند “كۆماری ئیسلامیی ئێران دراوسێیەكی گرنگی ئێمهيە، بەردەوام لە هەرێمی كوردستان دەمانەوێ پەیوەندییەكی زۆر باشمان لەگەڵ كۆماری ئیسلامیی ئێراندا هەبێت و پێموایە ئێستا پەیوەندیی كۆماری ئیسلامیی ئێران لەگەڵ هەرێمی كوردستان پەیوەندییەكی باشە و هیوادارین ئەم پەیوەندییە باشتر و باشتریش ببێت، چونكە ئێمە دراوسێی یەكترین و لە ئەنجامدا لەو شوێنانەی ئێمە پێویستیمان بە یارمەتی هەبووە، كۆماری ئیسلامیی ئێران یارمەتیی ئێمەی داوە، لە هەرێمی كوردستانیش له ڕابردوودا دووپاتمان كردووتهوه و ئێستايش دووپاتى دهكهينهوه كە بە هیچ شێوەیەك نابینە سەرچاوەی هەڕەشە بۆ دراوسێكانمان، بەتایبەتیش بۆ كۆماری ئیسلامیی ئێران”.
كلمات مفتاحية
اخبار ذات صلة
تعليقات
دوایین هەواڵەکان
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
پەروەردە و خوێندنی باڵای هەرێم کاتی دەستپێکردنەوەی دەوامیان ڕاگەیاند
ئەڵمانیا: بەمزوانە ئەمریكاو ئێران لە پاكستان دانوستانی راستەوخۆ دەكەن
سوپای پاسداران: رێگریمان له سێ كهشتی كرد بۆ تێپهڕبون به گهروی هورمزدا
وهزارهتی خوێندنی باڵا ماوهی مانهوهی ئهو خوێندكارانهی له ههرێم درێژكردهوه كه له ئێران دهخوێنن
واڵ ستریت جۆرناڵ: ئێران داوای درێژكردنهوهی مۆڵهتی له ترهمپ نهكردوه
كەشناسی هەرێم: ئهمڕۆ و سبهی باران بارین له ناوچه جیاجیاكان بهردهوام دەبێت
فایەق زێدان: بڕیاری راگهیاندنی جهنگ بهگوێرهی دهستور تهنیا له دهسهڵاتی دهوڵهتدایه
هەیبەت حەلبوسی: دواکەوتنی هەڵبژاردنی سەرۆک کۆمار چیتر قبوڵکراو نییە
هاتوچۆی ههولێر: بهرزبونهوهی ئاستی باراناو بۆته هۆی وهستانی هاتوچۆ له چهند شهقامێك
سەرۆک وەزیران وپادشای ئوردن جەخت لە گرنگی هەوڵی بێوچان بۆ ڕاگرتنی جەنگ دەکەنەوە
هرارگای خاتهمولئهنبیا: هێرش بكرێته سهر وێستگهكانی ئێران، ژێرخانی وزه لهناوچهكه وێران دهكهین
پزیشكیان: وهڵامی ههڕهشه بێسهروبهرهكان له مهیدانی جهنگدا دهدهینهوه
سكرتێری ناتۆ: هاوکاری ئەمریکا دەکەین بۆ کردنەوەی گەروی هورمز
ژێردهریایی ئهتۆمی بهریتانیا گهیشتۆته دهریای عهرهب
ئهمریكا رهتیدهكاتهوه ئێران فڕۆكهیهكی ئێف15ی خستبێته خوارهوه
وەزارەتی پێشمەرگە: بە فڕۆکەیەکی بێفڕۆکەوان هێرشکرایە سەر یەکێک لە بارەگاکانمان لە چەمچەماڵ
