وهزارهتی گواستنهوه و گهیاندن پێشبینی باران بارین لە ناوچەکانی هەرێمی کوردستان دەکات
بهشی كهش و ههوا له وهزارهتی گواستنهوه و گهیاندنی حكومهتی کاربەڕێکەری ههرێمی كوردستان، پێشبینی 24 كاتژمێری داهاتووی بڵاوكردهوه، كه ئاماژه به باران بارین دهكات له ههندێک ناوچهدا.
له بڵاوكراوهی بەشی کەشوهەوای وەزارەتی گواستنەوە ئەمرۆ شەممە (20ـی نیسانی 2024) هاتووه، سبەی یەکشەممە، ئاسمان نیمچەهەور و هەوری تەواو دەبێت و لە هەندێ کات و شوێن نمەبارانی پچڕ پچڕ دەبێت، هەندێک جاریش تاوە باران و هەورەتریشقەی لەگەڵدا دەبێت، بەتایبەتی لە ناوچە شاخاوییەکان و ناوچەکانی ڕۆژهەڵاتی هەرێم.
ئاماژه بهوهشكراوه، پلەکانی گەرما 3-5 پلەی سیلیزی بەراورد بە تۆمارکراوی ئەمڕۆ نزم دەبنەوە، هەروەها خێرایی با مامناوەند دەبێت بە 10-20 کم/ک ئاراستەی با لە باکوورى خۆرئاواوە دەبێت و بەرزترین پلەکانی گەرمای پێشبینیکراو بە پلەی سیلیزی بەمشێوەیە دەبێ: هەولێر 28 پلەی سیلیزی و سلێمانی 25 پلە، دهۆک و زاخۆ 26 پلە، کەرکوک 29 هەڵەبجە 27 پلە، سۆران 24 و لە حاجی ئۆمەران 16 پلەی سیلیزی دەبێت.
